How long can chopped onions last?:चिरलेला कांदा किती वेळ राहतो चांगला?

भारतीय खाद्यसंस्कृतीमध्ये कांद्याला एक विशेष स्थान आहे. डाळ, भाजी किंवा कोशिंबीर यामध्ये कांदा अनिवार्य मानला जातो. अनेक गृहिणी कामाच्या गडबडीत कांदा आधीच चिरून ठेवतात, त्यामुळे स्वयंपाक करताना वेळ वाचतो. परंतु, चिरलेला कांदा किती काळ चांगला राहतो, हा एक महत्त्वाचा प्रश्न आहे. चिरलेला कांदा दुसऱ्या दिवशी खाणे सुरक्षित आहे का? किंवा त्याला जास्त काळ ठेवले तर आरोग्यावर काही दुष्परिणाम होऊ शकतात का? या सर्व प्रश्नांची उत्तरे शोधणे आवश्यक आहे. कांद्यामध्ये ओलावा आणि सल्फरचे प्रमाण जास्त असते, त्यामुळे तो उघड्यावर किंवा चुकीच्या पद्धतीने साठवला गेला तर त्यावर विषाणूंचा प्रकोप होऊ शकतो. अशा कांद्यामुळे अन्न विषबाधा किंवा पोटाचे गंभीर आजार होऊ शकतात. त्यामुळे चिरलेला कांदा किती काळ वापरावा, हे जाणून घेणे आवश्यक आहे.

कांदा चिरल्यानंतर जर तो सामान्य तापमानावर ठेवला असेल, तर त्याला २ तासांच्या आत वापरणे योग्य ठरते. उष्ण हवामानात हा कालावधी कमी होऊ शकतो. परंतु, जर चिरलेला कांदा एअरटाइट डब्यात भरून फ्रीजमध्ये ठेवला, तर तो साधारण ५ ते ७ दिवसांपर्यंत सुरक्षित राहू शकतो. तरीही, चव आणि पोषण टिकवण्यासाठी १ ते २ दिवसांच्या आत त्याचा वापर करणे अधिक योग्य ठरते. चिरलेला कांदा नैसर्गिक संरक्षणात्मक थर गमावतो, त्यामुळे तो हवा, ओलावा आणि जिवाणूंच्या संपर्कात येतो, ज्यामुळे ऑक्सिडेशन प्रक्रिया सुरू होते. यामुळे कांद्याची चव आणि सुगंध कमी होऊ शकतो, तसेच त्यातील पोषक तत्त्वेही हळूहळू कमी होतात.