Opportunities for Pilots in Maharashtra: महाराष्ट्रात वैमानिक बनण्यासाठी नवे प्रशिक्षण केंद्रे सुरू होणार

मुंबई : महाराष्ट्र विमानतळ विकास कंपनी लिमिटेड (एमएडीसी) ने राज्यातील सहा विमानतळांवर नवीन उड्डाण प्रशिक्षण संस्था (एफटीओ) स्थापन करण्याची महत्त्वाकांक्षी योजना तयार केली आहे. या योजनेअंतर्गत लवकरच राज्यात आठ नवीन उड्डाण शाळा सुरू होणार आहेत. यामुळे वैमानिक प्रशिक्षणाच्या पायाभूत सुविधांचा विस्तार होईल आणि राज्यातील तरुणांना वैमानिक बनण्याची संधी मिळेल. या उपक्रमामुळे वैमानिक प्रशिक्षण क्षेत्रात मोठा बदल घडवून आणण्याची अपेक्षा आहे. यामुळे विद्यार्थ्यांना परदेशात जाऊन प्रशिक्षण घेण्याची आवश्यकता कमी होईल आणि त्यामुळे त्यांचा खर्चही कमी होईल. तसेच, या शाळा स्थानिक विमानतळांचा अधिक प्रभावी वापर करतील, ज्यामुळे प्रादेशिक विमानतळांचे महत्त्व वाढेल.

या नवीन प्रशिक्षण केंद्रांच्या स्थापनेसाठी एमएडीसी ने खाजगी ऑपरेटरकडून सेवा घेण्याचा निर्णय घेतला आहे. यामध्ये धाराशिव आणि यवतमाळ येथे प्रत्येकी दोन, तर बारामती, धुळे, कराड आणि लातूर येथे प्रत्येकी एक प्रशिक्षण केंद्र उभारले जाणार आहे. या विस्तारामुळे विद्यमान केंद्रांमध्ये नवीन क्षमता निर्माण होईल. विशेषतः धाराशिव आणि यवतमाळ यांसारख्या विमानसेवा नसलेल्या प्रादेशिक हवाईपट्ट्यांवर प्राथमिक उड्डाण शाळा स्थापन होणार आहेत. यामुळे स्थानिक तरुणांना वैमानिक बनण्याची संधी मिळेल आणि त्यांना परदेशी प्रशिक्षणावर अवलंबून राहावे लागणार नाही.