Rishabh Pant's Emotional Appeal: उत्तराखंडच्या मुख्यमंत्र्यांची प्रतिक्रिया

ऋषभ पंतने ७ ऑगस्टच्या रात्री उशिरा सोशल मीडियावर एक पोस्ट शेअर करून सर्वांचे लक्ष वेधून घेतले. या पोस्टमध्ये त्याने उत्तराखंडचे मुख्यमंत्री पुष्कर सिंह धामी यांना टॅग करत मदतीची मागणी केली. मुख्यमंत्री धामी यांनी या विनंतीवर प्रतिक्रिया देताना पंतच्या आवाहनाला सकारात्मक प्रतिसाद दिला आहे. त्यांनी माध्यमांशी बोलताना आश्वासन दिलं की, राज्य सरकार पंतच्या जमीन खरेदीच्या प्रयत्नात त्याला सर्वतोपरी सहकार्य करेल. धामी म्हणाले की, ऋषभ पंतने आपल्या क्रिकेटमधील कामगिरीमुळे राज्याचा गौरव वाढवला आहे आणि त्याला आवश्यक मदत पुरवली जाईल.

मुख्यमंत्री धामी यांनी पत्रकारांशी बोलताना स्पष्ट केले की, उत्तराखंडमध्ये यायची इच्छा असलेल्या प्रत्येकाचं मनापासून स्वागत आहे. ऋषभ पंत हा आपल्या राज्याचा एक भाग आहे आणि त्याने आपल्या क्रीडाप्रकारात उल्लेखनीय कामगिरी केली आहे. त्यामुळे त्याला कोणत्याही प्रकारची मदत मिळवून देण्यासाठी सरकारी अधिकारी त्याच्याशी चर्चा करतील, असं त्यांनी सांगितलं. पंतने एक्स (माजी ट्विटर) वर मुख्यमंत्र्यांना मदतीसाठी आवाहन केले होते आणि तो गेल्या तीन वर्षांपासून उत्तराखंडमध्ये जमीन खरेदी करण्याचा प्रयत्न करत आहे.