Tragic Incident in Mysore:महिलेला मानसिक त्रास सहन न करता आत्महत्या

कर्नाटकमधील म्हैसूर शहरातून एक हृदयद्रावक घटना समोर आली आहे. नागेश्वरी नावाच्या एका महिलेने विष घेऊन आत्महत्या केली. तिच्या आत्महत्येच्या मागे ऑफिसमधील मानसिक छळ आणि तणावाची कहाणी आहे. नागेश्वरी ही हिनाकल येथील एका मार्टमध्ये 'प्रोडक्ट प्रमोटर' म्हणून कार्यरत होती. तिने 'PPMS' एजन्सीमार्फत या नोकरीसाठी अर्ज केला होता. तिच्या कुटुंबाने दिलेल्या माहितीनुसार, ती गेल्या काही दिवसांपासून प्रचंड मानसिक तणावात होती. कामाच्या ठिकाणी होणाऱ्या त्रासाबद्दल तिने आपल्या कुटुंबीयांना सांगितले होते. तिच्या सुसाइड नोटमध्ये तिने वरिष्ठ अधिकाऱ्यांवर गंभीर आरोप केले आहेत. तिला कोणतीही चूक नसतानाही टार्गेट करून मानसिक त्रास दिला जात होता, असे तिने स्पष्टपणे नमूद केले आहे.

नागेश्वरीने सलग चार महिने म्हणजेच १२० दिवसांपासून एकही साप्ताहिक सुट्टी मिळाली नाही. तिने इमर्जन्सी सुट्टी मागितली असताना ती नाकारली गेली. तिने आपल्या सहकाऱ्यांशी या अन्यायाबद्दल बोलण्याचा प्रयत्न केला, परंतु तिला नोकरीवरून काढून टाकण्यात आले. नागेश्वरीने तिच्या सुसाइड नोटमध्ये डॉली नावाच्या सुपरवायझरचा उल्लेख केला असून, तिच्या जाचामुळेच तिने हे टोकाचे पाऊल उचलले असल्याचे म्हटले आहे. या घटनेने तिच्या कुटुंबात हळहळ व्यक्त केली असून, नागेश्वरीच्या आईने न्यायाची मागणी केली आहे. ती म्हणते, "माझ्या मुलीचा मानसिक छळ केला जात होता. ती खूप खचली होती आणि अखेर या त्रासाला कंटाळून तिने आत्महत्या केली. मला न्याय मिळावा."