Sarfaraz Khan's Emotional Post:सरफराज खानची भावनिक पोस्ट

भारतीय क्रिकेट संघ सध्या श्रीलंका दौऱ्यावर असून, मुंबईचा फलंदाज सरफराज खान पुन्हा एकदा चर्चेत आला आहे. त्याला कसोटी संघात स्थान मिळालेले नाही, तरीही त्याने सोशल मीडियावर एक भावनिक पोस्ट शेअर केली आहे. या पोस्टमध्ये त्याने 'जर्सी' चित्रपटातील अभिनेता नानीचा फोटो अपलोड केला आहे, ज्यावर त्याने लिहिले आहे, "मी कदाचित फिट बसत नसेन, पण माझ्याकडचं सर्वस्व पणाला लावून लढेन." या कॅप्शनसोबत त्याने "New Chapter, Jersey 2" असेही लिहिले आहे. त्यामुळे त्याच्या मनात काय चालले आहे, याबद्दल चर्चा सुरू झाली आहे. सरफराजच्या या पोस्टने त्याच्या क्रिकेट करिअरच्या पुढील टप्प्याबद्दलच्या आशा व्यक्त केल्या आहेत.

सरफराज खानची ही पोस्ट टीम इंडियाकडून पुनरागमनाची जिद्द दर्शवते. २३ सप्टेंबरपासून सुरू होणाऱ्या दुलिप कंरडक स्पर्धेत तो ऋतुराज गायकवाडच्या नेतृत्वाखालील पश्चि विभाग संघाकडून खेळणार आहे. या स्पर्धेत त्याला चांगली कामगिरी करून टीम इंडियाच्या दरवाज्यावर पुन्हा ठोठवण्याची संधी मिळेल, अशी आशा आहे. सरफराजने यापूर्वी बॉर्डर-गावसकर ट्रॉफीनंतर भारतीय कसोटी संघात स्थान गमावले आहे. ऑस्ट्रेलिया दौऱ्यात त्याला एकाही सामन्यात संधी मिळाली नाही, आणि त्यानंतर इंग्लंड, वेस्ट इंडीज, दक्षिण आफ्रिका आणि आता श्रीलंका मालिकेसाठीही त्याची निवड झालेली नाही.