Nitin Murasolhe to Play Historical Role: नितीन मुरसकोल्हे ऐतिहासिक भूमिकेत साकारणार

नागपूरच्या मातीतून अभिनय क्षेत्रात पदार्पण करून मुंबईच्या चित्रपटसृष्टीत आपली ओळख निर्माण करणारा नितीन मुरसकोल्हे आता एक महत्त्वाची ऐतिहासिक भूमिका साकारण्यास सज्ज झाला आहे. राष्ट्रीय स्वयंसेवक संघाचे द्वितीय सरसंघचालक माधव सदाशिव गोळवलकर, ज्यांना 'गुरुजी' म्हणून ओळखले जाते, यांच्या तरुणपणीच्या भूमिकेत नितीन दिसणार आहे. या भूमिकेमुळे त्यांच्या अभिनयाच्या प्रवासात एक नवीन वळण येणार आहे, ज्यामुळे त्यांची कारकीर्द आणखी उजळणार आहे. नितीन यांचा हा प्रवास त्यांच्या मेहनतीचा आणि संघर्षाचा परिणाम आहे, जो त्यांनी गेल्या सात-आठ वर्षांपासून अनुभवला आहे.

नितीन मुरसकोल्हे मूळचा नागपूरचा असून, त्यांनी बीएफए आणि मास्टर ऑफ फाइन आर्ट्सची पदवी घेतल्यानंतर नाट्य क्षेत्रात करिअर सुरू केले. सुरुवातीच्या काळात त्यांना लहान-लहान भूमिकांमध्ये काम करण्याची संधी मिळाली. एकदा मोठ्या महानाट्यात काम करण्याची संधी मिळाल्यानंतर त्यांच्या अभिनयाची दखल घेतली जाऊ लागली. 'श्रीकृष्ण' या महानाट्यात भगवान श्रीकृष्णाची भूमिका साकारल्यावर त्यांच्या अभिनयाला नवी दिशा मिळाली. मुंबईत आल्यावर त्यांनी शॉर्ट फिल्म्स, म्युझिक व्हिडिओ आणि जाहिरातींमध्ये काम केले. हिंदी आणि मराठी चित्रपटांमध्येही त्यांनी आपली छाप सोडली आहे.