Dream of 100 Crores in 2 Months: रेल्वे अधिकाऱ्याच्या मुलीने १५ नातेवाईकांना गंडा घातला

उत्तर प्रदेशातील गोरखपूरमध्ये एक अनोखा आणि आश्चर्यकारक प्रकार समोर आला आहे. एका रेल्वे अधिकाऱ्याच्या मुलीने, जिने अब्जाधीश होण्याचे स्वप्न पाहिले होते, तीने केवळ दोन महिन्यांत १०० कोटी रुपये कमवण्याच्या नादात आपल्या नातेवाईकांसह इतर अनेक लोकांची मोठी फसवणूक केली आहे. या प्रकरणात तिच्या वडिलांनी, जे रेल्वे विभागात उच्च पदावर कार्यरत आहेत, तिला पूर्णपणे साथ दिली. मात्र, या स्वप्नाच्या मागे लागल्यामुळे आता या बाप-लेकीला जेलमध्ये जावे लागले आहे. गरिमा सिंह या मुलीने आपल्या डायरीत अब्जाधीश बनण्याची थेट 'डेडलाईन' लिहून ठेवली होती, जी एप्रिल ते मे दरम्यान १०० कोटी रुपये कमवण्याचे उद्दिष्ट होते. याच उद्दिष्टाच्या मागे लागून तिने १० ते १५ जणांना आपल्या जाळ्यात ओढले आणि कर्ज माफ करण्याच्या नावाखाली लोकांकडून कोट्यवधी रुपये उकळले. या फसवणुकीच्या शिकार केवळ बाहेरचे लोकच नाही, तर तिचे स्वतःचे नातेवाईक आणि रेल्वे अधिकारीही ठरले. पोलिसांच्या तपासात आतापर्यंत ३.५ कोटींपेक्षा जास्त रुपयांच्या घोटाळ्याचा पर्दाफाश झाला आहे. गरिमाने आपल्या डायरीत स्पष्टपणे लिहिले होते की, "मी गरिमा सिंह, एप्रिल २०२६ पर्यंत अब्जाधीश बनेन, हे माझे ध्येय आहे. माझं सर्व कर्ज एप्रिल ते मे दरम्यान संपेल. गरिमा सिंह करोडपती आहे. देवा, तुझे आभार!" हे वाचन करताच तिच्या मनातील हव्यास स्पष्टपणे दिसून येतो.

गरिमाने एका नातेवाईकाची ९१ लाख रुपयांची फसवणूक केली आहे. तिचे वडील रेल्वेत उच्च पदावर असल्यामुळे, अनेक लोकांनी तिच्यावर विश्वास ठेवून कर्ज घेतले. फसवणूक झालेल्यांमध्ये ६ ते ७ नातेवाईक रेल्वेत काम करत आहेत, तर इतर १५ ते २० नागरिकही या फसवणुकीचे शिकार झाले आहेत. गरिमा विवाहित असून तिचा पती कुशीनगर येथे शिक्षक आहे, मात्र ती गोरखपूरमध्ये आपल्या वडिलांसोबत राहते. या सर्व घटनांमुळे गोरखपूरमध्ये खळबळ माजली आहे आणि लोकांमध्ये तीव्र असंतोष व्यक्त केला जात आहे. गरिमाच्या या कृत्यामुळे अनेकांचे आर्थिक नुकसान झाले आहे आणि ती आता कायद्याच्या कठोर तावडीत सापडली आहे.