Assault in Dombivli:डोंबिवलीत महिलेला मारहाण

डोंबिवलीतील चंद्रहास हाॅटेलमध्ये दारू पिण्यास नकार दिल्यामुळे एक महिला हाॅटेल व्यावसायिकावर तीन जणांनी बेदम हल्ला केला. या घटनेने परिसरात खळबळ माजली आहे. महिला व्यावसायिक स्नेहल विनय राऊत यांनी मानपाडा पोलीस ठाण्यात तक्रार दाखल केली आहे. त्यांनी आपल्या तक्रारीत सांगितले की, हाॅटेलमध्ये दारू पिण्यास मनाई असल्याने त्यांनी काही तरुणांना बाहेर जाण्यास सांगितले होते. यामुळे त्या तरुणांचा राग अनावर झाला आणि त्यांनी महिलेला शिवीगाळ करत हल्ला केला. हा प्रकार रात्री पावणे एक वाजण्याच्या दरम्यान घडला. राऊत यांनी सांगितले की, या तरुणांनी काही दिवसांपूर्वी त्यांच्या हाॅटेलमध्ये दारू पिऊन गोंधळ घातला होता, त्यामुळे त्यांनी त्यांना दारू पिण्यास मनाई केली होती. या घटनेनंतर, राऊत यांनी तात्काळ पोलीसांना फोन केला, पण पोलीस येण्यापूर्वीच ते तरुण पळून गेले.

घटनेच्या वेळी, राऊत हाॅटेलच्या प्रवेशव्दारावर बसल्या होत्या, तेव्हा चार तरुण हाॅटेलमध्ये आले आणि त्यांनी दारू मागितली. राऊत यांनी त्यांना स्पष्टपणे सांगितले की, हाॅटेलमध्ये दारू पिण्यास मनाई आहे. यावरून त्यांच्यात वाद झाला. त्यानंतर, रात्री पावणे एक वाजण्याच्या सुमारास, दोन महिला आणि दोन मुले घेऊन आलेल्या तरुणांनी पुन्हा एकदा भांडण सुरू केले. त्यावेळी एका महिलेने राऊत यांना अपशब्द वापरले. त्यानंतर, आलेल्या टोळक्याने हाॅटेलचे व्यवस्थापक सिध्दार्थ देसाई यांच्यावर हल्ला केला. राऊत यांनी त्यांना वाचवण्यासाठी मध्यस्थी केली, पण त्याचवेळी टोळक्याने राऊत यांना धारदार शस्त्राने हनुवटीवर वार केला, ज्यामुळे त्या गंभीर जखमी झाल्या.