China Rocket Exploded:चीनच्या रॉकेटचा अवकाशात स्फोट

चीनच्या अंतराळ मोहिमेसाठी एक मोठा धक्का समजला जात आहे, कारण सोमवारी लॉन्ग मार्च ७A या रॉकेटचा उड्डाणानंतर अवघ्या ८५ सेकंदांतच स्फोट झाला. हा स्फोट वेनचांग स्पेस लाँच साईटवरून करण्यात आलेल्या प्रक्षेपणानंतर झाला. रॉकेटने सुरुवातीला यशस्वी उड्डाण घेतले होते, परंतु वातावरणातील तीव्र दाबामुळे अचानक बिघाड झाला आणि रॉकेट अवकाशातच नष्ट झाले. या अपघातामुळे चीनच्या महत्त्वाकांक्षी अंतराळ मोहिमेवर मोठा परिणाम झाला आहे. रॉकेटच्या स्फोटाचे कारण अद्याप स्पष्ट झालेले नाही, परंतु अंतराळ शास्त्रज्ञ याबाबत तपास करत आहेत. रॉकेटच्या पहिल्या टप्प्यातील प्रवासादरम्यान, तीव्र दाबाचा सामना करताना बिघाड झाला असावा, ज्यामुळे हा गंभीर अपघात झाला.

लॉन्ग मार्च ७A रॉकेटची ही १८ वी मोहीम होती आणि यापूर्वीच्या १६ मोहिमांमध्ये यशस्वी ठरले होते. २०२० मध्ये या रॉकेटचे पहिले उड्डाण अपयशी ठरले होते, त्यामुळे सोमवारी झालेला स्फोट ही या रॉकेटची दुसरीच अपयश ठरली आहे. चीनच्या अंतराळ योजनेत या रॉकेटचा वापर उपग्रहांना जिओस्टेशनरी ट्रान्सफर ऑर्बिटमध्ये पाठवण्यासाठी केला जातो. रॉकेटची निर्मिती चायना अकादमी ऑफ लाँच व्हेईकल टेक्नॉलॉजीने केली आहे. या अपघातामुळे चीनच्या अंतराळ मोहिमांवर तात्पुरता परिणाम होऊ शकतो, परंतु एकूणच त्यांच्या मोहिमांची गती कमी होण्याची शक्यता कमी आहे.