Marathi Actress's Son Works at Netflix: शीतल शुक्ल यांचा मुलगा नेटफ्लिक्समध्ये कार्यरत!

प्रत्येक आई-बाबांची इच्छा असते की त्यांच्या मुलांनी शिक्षण घेतले पाहिजे आणि आयुष्यात एक मोठा मुकाम गाठावा. मराठी चित्रपट आणि नाटक क्षेत्रातील अनेक सेलिब्रिटी कामात व्यस्त असले तरी, त्यांना त्यांच्या मुलांच्या संगोपनाची काळजी असते. काही सेलिब्रिटींची मुले त्यांच्या आई-वडिलांच्या पावलावर पाऊल ठेवून सिनेमा किंवा नाटक क्षेत्रात कार्यरत आहेत, तर काहींनी वेगळ्या क्षेत्रात करिअर निवडले आहे. काही डॉक्टर बनले आहेत, काही शिक्षक झाले आहेत, तर काही कंटेंट क्रिएटर्स म्हणून काम करत आहेत. अशाच एका प्रसिद्ध अभिनेत्रीने आपल्या मुलाच्या करिअरबद्दलची माहिती नुकतीच दिली आहे.

शीतल शुक्ल या लोकप्रिय ज्येष्ठ अभिनेत्रीने गेल्या अनेक वर्षांपासून मराठी नाटक, सिनेमा आणि टेलिव्हिजनमध्ये महत्त्वपूर्ण भूमिका साकारल्या आहेत. त्यांच्या अभिनयाने प्रेक्षकांच्या मनात एक विशेष स्थान निर्माण केले आहे. मात्र, आता त्या त्यांच्या मुलाच्या यशामुळे चर्चेत आल्या आहेत. शीतल शुक्ल यांचा मुलगा सौमिल शुक्ल नेटफ्लिक्समध्ये कार्यरत आहे आणि आलिया भट्टच्या 'अल्फा' या चित्रपटाची पटकथा त्याने लिहिली आहे. 'राजश्री मराठी'च्या एका मुलाखतीत शीतल यांनी आपल्या मुलाबद्दल खुलासा केला.

शीतल शुक्ल यांनी सांगितले की, “माझा मुलगा नेटफ्लिक्समध्ये आहे. आलिया भट्टचा 'अल्फा' सिनेमा त्यानेच लिहिला आहे. त्याचं नाव सौमिल शुक्ल आहे. धर्मा प्रोडक्शनच्या 'सरजमीन' सिनेमाची पटकथा सुद्धा त्यानेच लिहिली होती. त्या काळात तो धर्मा प्रोडक्शनमध्ये कार्यरत होता आणि आता तो नेटफ्लिक्समध्ये काम करत आहे.” शीतल शुक्ल यांचा वर्कफ्रंटबद्दल बोलायचं झालं तर, त्या सध्या 'आमच्या लाडक्या नाईक बाई' या मालिकेत ललिताबाई नाईकच्या भूमिकेत दिसणार आहेत. ही मालिका १० ऑगस्टपासून स्टार प्रवाह वाहिनीवर सायंकाळी ६:३० वाजता प्रसारित होत आहे.